Османи: Македонија нема да ги признае руските референдуми во Украина

Македонија нема да ги признае резултатите од референдумите за отцепување на Украина, порача шефот на дипломатијата Османи. Според него, референдумите се манипулативни и преседан, а да си на страна на Русија значи да си против своите национални интереси.

Османи вели дека Русија го прекрши меѓународнато право и ја загрози европската безбедносна архитектура, особено малите независни држви како нашата.

– Ме чуди што на анкети гледам дека 25 посто македонски граѓани, мислат дека руската агресија во Украина е оправдана, мислејки дека ова е битка помеѓу два пола во светот а ние сме страна која што е неутрална. Ние не сме неутраслна страна, ние сме директно загрозени од рушењето на меѓународните принципи коишто не штитат. – вели Бујар Османи МНР.

Во врска со мобилизацијата во Русија, според Османи, тоа што нуклеарната војна се наметна во дневниот дискурс е опасно само по себе и дека тоа е премин на психолошката бариера и треба да биде аларм.

А воениот аналитичар Александар Радиќ од Србија за Студио 10 пак денеска кажа дека на Путин му треба перцепција во јавноста дека не е губитник, а потоа војната ќе заврши на преговарачка маса. За тоа колку е реална опасноста од нуклеарна војна тој вели дека, не треба да се се оптоваруваат луѓето со тоа, затоа што нема да се случи.

– Ако гледаме во реалноста, Русија ја загуби војната на терен во Украина. Идејата беше Киев да се заземе на почетокот и Русија да стави шепа врз Украина. Дали Русија ќе се задоволи со заземање 20 отсто од Украина, со заземање на Доњецк и Луганск, ќе видиме. – вели Александар Радиќ воен аналитичар Србија.

ЕУ засега нема донесено единствен став во однос на визниот режим кон руските граѓани, а шефот на дипломатијата порача дека Македонија се придржува до европските одлуки. За односите со руската амбасада, тој бели дека политичка комуникација и односи нема, дека немал средба со амбасадорот Баздникин, а протоколарни контракти преку службите може да има.