14-годишно момче загина кога врз него удри 18-годишник со автомобил

0
20

Во сообраќајна несреќа загина 14-годишно момче кое возело мотоцикл, а возачот на автомобилот „опел“ не останал на местото на судирот. Откако полицијата го пронајде се испостави дека станува збор за 18-годишно момче од истото село.

Четиринаесетгодишен мотоциклист од село Заполжани во општина Долнени денеска загинал во сообраќајна несреќа во која учествувало и патничко возило „опел астра”, што го управувал 18-годишен жител од истото село.

Како што соопшти МВР во полицискиот билтен, несреќата помеѓу мотоциклот „шинерај” и возилото „опел астра”, и двете со прилепски регистарски ознаки, се случила околу 13.40 часот во долненското село Новоселани.

Малолетниот мотоцклист од добиените повреди починал на местото на несреќата. Лекар констатирал смрт, а увид извршила увидна екипа од ОВР Прилеп.

МВР соопшти дека возачот на автомобилот, В.Р.(18), го напуштил местото, но набргру бил пронајден и приведен.