Србија и дефинитивно ќе побара од КФОР враќање на спрски сили на Косово. По шест дена барикари, српската влада на вонредна седница одлучи да се повика на Резолуцијата 1244 и уште вечерва, во електронска форма, а утре и на писмено да го достави барањето до командантот на КФОР на еден од административните премини.
Според српските медиуми, барањето на српската страна се однесува на дозвола за распоредување на 100 до 1.000 припадници на воено-полициските сили на дел од косовската територија. Иако е гласен во барањето, српскиот претседател Александар Вучиќ, сепак, е скептик дека КФОР ќе го прифати.
Ваквата одлука на владата во Белград доаѓа по еден ден од свечената церемонија во Приштина на која претседателката Вјоса Османи, премиерот Албин Курти и претседателот на Собранието, Гњаук Коњуфца ја потпишаа апликацијата со која се бара членство на Косово во Европската Унија.
Идејата на Вучиќ за враќање на српски безбедносни сили на Косово, според претседателката Османи е хегемонистичка и патем порача дека таа приказна е завршена во 1999 година.
На северот од Косово, пак, продолжуват протестите и барикадите заради апсењето на поранешниот полицаец Дејан Пантиќ.
Косовоската полиција не дозволува поминување преку граничните премини Јариње и Брњак.
Кризниот штаб во Митровица апелираше до срспките граѓани да останат мирни и да не дозволат да бидат испровоцирани
