Свирепо убиени двајца млади Срби во Копенхаген, едниот прободен во срце, на другиот му било пресечено грлото

0
39

Двајца млади Срби се убиени во понеделникот во Копенхаген, кога од засега непознати причини биле нападнати од група млади луѓе.

Како што објави Телеграф, еден млад човек бил прободен со нож во срцето, а на друг му било пресечено грлото.

Според информации, во нападот е повреден уште еден млад човек, но неговиот живот е надвор од животна опасност.

Како што објавија српските медиуми Петар М. Стешевиќ (17) и неговиот најдобар пријател Н.Ш. (18), се убиените. Во понеделникот на 300 метри од куќата во која живеел Петар со семејството од засега непознати причини биле нападнати од група млади луѓе.

Таткото на Петар, Ненад Стешевиќ, во својата исповед изјавил дека само неколку минути пред убиството, мајката на Петар телефонски разговарала со синот.

„Се се случило на 300 метри од нашата куќа овде, вечерта синот излезе со двајца пријатели Н.Ш. и еден дечко од Данска. Му се јавила мајка му и тој само и кажал дека е на пат кон дома, а бил многу блиску до својот дом.Поминало време и сопругата повторно му се јавила, но тој не се јавил. Потоа се јавила во полиција и и кажале дека се случило најлошото.Петар за три месеци ќе наполнеше 18 години, требаше да дипломира, животот му беше пред него. Беше голем спортист, а со момчето што беше со него цел живот се дружеше, и двајцата се родени овде во Данска, заедно играа фудбал, кошарка, изјавил таткото на Петар.

Петар Стешевиќ е прободен со нож во срцето, а на Н.Ш. напаѓачите му го пресекле грлото, додека Данецот поминал со убодни рани во ногата“, пренесуваат локалните медиуми.

„Тој се роди во моите прегратки, многу среќно момче кое секогаш знаеше да каже те сакам, полн со енергија и љубов. Има постар брат Мило, на кој секогаш можеше да се потпре, весел и радосен дечко на кого лицето му беше најважно“, раскажува таткото на Ненад.