Во Тетово знаме на голема Албанија на прослава која ја организираше локалната самоуправа.
Знамето се вееше над главите на Касами, неговиот гостин од Косово Албин Курти, како и челниците на албанската опозиција Изет Меѓити предводник на новата партија Демократско движење и претседателот на Алтернатива Африм Гаши.
Околу нив десетици албански и косовски знамиња.
Касами во телефонски разговор се огради од настанот. Вели дека тој организирал пречек кој ја означува соработката со Косово и дека нема информација за истакнување на знаме. Нѐ упати да се обратиме до надлежните институции.
Од СВР Тетово пак иформираа дека работаат на идентификување на сторителите и целосно расчистување на случајот.
Околу вчерашниот инцидент пристигнаа бројни рекации од македонските политичари, кои прашаа за каков соживот и взаемно почитување зборуваме. Побараа институциите да постапат согласно овластувањата.
