Жена која барала куќа на пријателка во северниот дел на Њујорк била убиена со огнено оружје откако автомобилот во кој се возела по грешка отишол на погрешна адреса и наишла на истрели на патеката, соопштија властите во понеделникот.
20-годишната Кејлин Гилис патувала со уште три лица, кога групата по грешка свртела кон имотот.
Тие се обидувале да го свртат автомобилот кога сопственикот на куќата, Кевин Монахан (65), излегол на тремот и испукал два истрели, според шерифот на округот Вашингтон Џефри Марфи.
Едниот истрел ја погодил Кејлин Гилис. Нејзините пријатели повикале Брза помош која веднаш дошла и дала медицинска поддршка, но не можеле да ја спасат.
Кога полицајците пристигнаа во куќата на Монахан за да го истражат пукањето, тој одби да излезе, рече шерифот на округот Џефри Марфи. Властите разговарале со него преку диспечер 911 и лично околу еден час пред да биде приведен, според шерифот.
Монахан е притворен и ќе му се суди за убиство од втор степен.
Шерифот Марфи на прес-конференција вчера рече дека Гилис, „била невина млада девојка која била надвор со пријателите барајќи ја куќата на друга пријателка“. Тој рече дека „немало причина господинот Монахан да се чувствува загрозен“.
Пукањето се случи неколку дена откако 16-годишниот Ралф Јарл беше застрелан и ранет во Канзас Сити, Мисури, откако отиде во погрешна куќа за да ги земе своите помлади браќа.
