Полицијата приведе три лица кои грабнале скопјанец и го држеле против негова волја и го натепале.
Приведените се на возраст од 34 до 39 години – сите од Скопје.
„К.Б.(35) од Скопје на 1 јуни со патничко возило „форд“ со скопски регистарски ознаки го однеле во близина на гробиштата во сeлото Арачиново, скопско, каде што го држеле без негова волја и физички го нападнале. Според пријавеното, тој успеал да избега после некое време“, велат од МВР.
По целосно документирање на случајот ќе следува соодветна кривична пријава.
