Претседателот на Демократската унија за интеграција, Али Ахмети смета дека треба да се забрза патот до членството на Косово во најголемата глобална полициска организација Интерпол, по приведувањето на поранешните војници на ОВК со налози за апсење од Србија.
Зборувајќи за апсењето на Блерим Рамадани од страна на Македонската полиција на 17 јули врз основа на потерница издадена од Србија, Ахмети рече дека Србија ќе продолжи да ги држи под притисок поранешните војници на Ослободителната војска на Косово.
Ова е прашање за кое мора да се разговара со меѓународната заедница за да се забрза патот кон членството на Косово во Интерпол. Во спротивно, без членството на Косово во Интерпол и без договор со меѓународната заедница, во случајов со ЕУ и САД, Србија ќе продолжи да ги држи под притисок сите војници на Ослободителната војска на Косово, сите активисти. Списоците се преполни со антиокупациски активисти и на ова прашање треба да се пристапи со најголема сериозност“, рекол Ахмети, оправдувајќи ја акцијата на Македонската полиција за апсењето на поранешниот војник на ОВК.
-Поентата е дека се носат одлуки. Интерпол ги извршува одлуките донесени од земјите-членки на Интерпол, Северна Македонија е членка на Интерпол, Албанија е членка на Интерпол и тие имаат обврска да ги почитуваат одлуките на земјите-членки“, истакнал Ахмети.
Случајот со Рамадани не е единствен кога говориме за апсење на поранешни војници на ОВК, поради потерници од Србија. Во 2016 година, токму поради потерницата од официјален Белград, Гафур Елшани бил уапсен на границата меѓу Косово и Македонија.
