Ваквите потреси, како што се наведува во соопштението на Републичкиот сеизмолошки завод на Србија, можат да предизвикаат мали оштетувања на објекти во епицентралното подрачје
Земјотрес со јачина од 3,7 степени според Рихтеровата скала рано утрово е регистриран во близина на Врање, соопшти Републичкиот сеизмолошки завод на Србија.
Епицентарот на потресот бил на 10 километри североисточно од градот на југот на Србија, на длабочина од 12 километри, а е регистиран во 4:48 часот по локално време.
Теорискиот интензитет на земјотресот се проценува на пет до шест степени според Меркалиевата скала.
Ваквите потреси, како што се наведува во соопштението на Републичкиот сеизмолошки завод на Србија, можат да предизвикаат мали оштетувања на објекти во епицентралното подрачје.
Околу четири часа подоцна, односно во 8 часот и 27 минути во истото епицентрално подрачје, според српскиот завод и Европскиот медитерански сеизмолошки центра (ЕМСЦ) е регистриран уште еден потрес, но со помал интензитет од 2,8 степени според Рихтеровата скала.
