„Мирот на Блискиот Исток е можен ако бидам избран за претседател“, изјави републиканскиот кандидат Доналд Трамп во интервју за арапската мрежа Ал Арабија.
Тој уште еднаш жестоко го критикуваше американскиот претседател Џо Бајден за неговото справување со дипломатските прашања, па дури и јасно рече дека ако тој беше на претседателската функција, немаше да започне војна.
„Сакам војната да престане и да има мир на Блискиот Исток. Верувам дека тоа сигурно ќе се случи, ќе го направиме веднаш по изборите“, потенцира меѓу другото во своето интервју.
„Немаше да ја има оваа војна на Блискиот Исток да бев претседател. Немаше да имаме толку раселени луѓе, ниту војна во Украина, ниту инфлација“, додаде тој.
„Немаше да има ваква ситуација со талибанците во Авганистан ако јас бев претседател“, рече тој.
За рускиот претседател, тој истакна: „Путин воопшто не го цени Бајден, ниту Камала“.
„Она што се случува во Украина е страшно, ние зборуваме за катастрофа“, истакна тој.
За повеќе информации притиснете тука.
