Вчера нови поразителни бројки и рекордни 9 починати пациенти од корона вирусот. Регистрирани се 162 позитивни случаи на ковид 19, од кои над 90 се во Скопје.
Во изминатиот период се реализирани 16 дарувања на конвалесцентна плазма, од кои седум дарувања со постапка плазмафереза на клеточен сепратор и девет преку стандардно дарување на целокупна крв, информира министерството за здравство, од каде наведуваат дека со ова, обезбедени се 23 единици конвалесцентна плазма за третман на 23 пациенти со ковид-19.
Дарител на конвалесцентна плазма може да биде секое лице кое е излечено од овој вирус и кој ги исполнува условите за дарување наведени во протоколот.
