Голем број трактори се паркирани пред Бранденбуршката порта во Берлин на протестот на земјоделците кои бараат германската влада да се откаже од плановите за намалување на земјоделските субвенции.
Како што јави ДПА, на протестот во Берлин се околу 550 лица. Десничарската популистичка и евроскептична партија „Алтернатива за Германија“ (АфД) му се заблагодари на демонстрант преку социјалната мрежа „Х“ за пораката со која се повикува на нови избори. Во германската јавност постои страв дека демонстрациите ќе бидат од корист за крајната десница.
Конвојот синоќа стигна до легендарната Бранденбуршка порта во 17:30 часот по локално време. Земјоделците демонстрираат против плановите на германската влада под раководство на канцеларот Олаф Шолц да ги прекине субвенциите за земјоделството.
Владејачката коалиција ја сочинуваат Социјалдемократите (СПД), Зелените и неолибералните Слободни демократи (ФДП) на Шолц. Владата во четвртокот објави дека ќе повлече дел од планираните кратења на субвенциите, што Здружението на германски фармери (ДБВ) го смета за недоволна мерка.
