Едно лице е убиено, а осум се повредени во пукање на автопат на периферијата на Ерусалим, соопштија израелските власти. Двајца од повредените се наоѓаат во тешка состојба.
.
Пукањето се случило во близина на населбата Ма’але Адумим. Полицијата ги нарече напаѓачите – терористи, без да дава детали за убијците.
„Тројца терористи пристигнаа со возило, излегоа и почнаа да пукаат од автоматско оружје врз автомобили во колона на пат кон Ерусалим“, се наведува во соопштението на полицијата.
Безбедносните сили „неутрализирале“ двајца од напаѓачите на лице место, а третиот бил „елиминиран“ при обид за бегство.
