Автомобилот со три мртви тела е извлечен од реката, пишува Алсат.
– Возилото кое излета во Вардар во близина с. Рашче е извлечено. Од него се извадени телата на три лица. Потрагата по можно четврто исчезнато лице продолжува, информираше пред малку директорот на ЦУК, Стојанче Ангелов.
Според досегашните неофицијални информации, станува збор за постар брачен пар, нивната невеста и еден од синовите на брачниот пар.
Несреќата беше пријавена во СВР Скопје во 16 часот и како што соопшти МВР претходно на локалниот пат за с.Рашче патничко возило излетало од патот и паднало во Вардар.
