Во СВР Скопје, 22-годишна девојка од Прилеп, со престој во студентски дом на подрачјето на Карпош, пријави дека на 16.10.2025 околу 17 часот, додека се туширала забележала телефон над параваните.
Според пријавата, А.М.(22) од Богданци, ѝ кажал дека тој ги направил фотографиите.
Момчето е приведено во Полициска станица, а одземени му се лап топ и компјутер.
Од СВР Скопје велат дека преземаат мерки за расчистување на случајот.
Според информациите кои ги објави „Слободен печат“ се работи за студентскиот дом „Гоце Делчев“. Вчера советот на станари биле информирани дека во блокот А на 12 кат, станар во повеќе наврати правел фотографии на девојчиња додека се тушираат, со телефон поставен над параванот.
