Медиумите денеска објавија дека се слушнале експлозии во Бахреин и Абу Даби, градови каде што се наоѓаат американските воени бази, но овие извештаи сè уште не се официјално потврдени.
Властите во Катар, друга земја со американска воена база, издадоа предупредувања преку мобилни телефони, повикувајќи ги луѓето да останат во затворен простор, објави Гардијан.
Според соопштението на Министерството за одбрана на Катар, нивните системи за пресретнување ракети успеале да пресретнат иранска ракета што била насочена кон земјата.
