Паркинзите наменети за резидентни граѓани во општина Тетово континуирано се соочуваат со пренатрупаност, иако се предвидени исклучиво за жителите од конкретните реони кои за нив плаќаат на годишно ниво.
И покрај секојдневните реакции и пријави од граѓаните, општинските власти засега не преземаат конкретни мерки за надминување на проблемот.
Според сведоштва на граѓани, тврдат дека Општината издала повеќе резидентни дозволи отколку што дозволува реалниот капацитет на паркинг-местата, поради што дел од нив, и покрај тоа што плаќаат, остануваат без можност да паркираат во сопствениот реон.
Ова отвора прашање за транспарентноста и одговорноста во управувањето со јавниот простор.
Останува отворено прашањето – кога општинските власти конечно ќе преземат конкретни и ефикасни мерки за решавање на овој проблем?
