После обилните врнежи од дожд повторно се појавуваат ерозивни процеси долж регионалниот пат Шипковица – Бродец. Најризичниот дел каде поминува реката на околу еден километар од Шипковица кон селото Бродец се уште не е саниран од штетите кои беа предизвикани за време на поплавите во 2015 година. Веднаш по оваа катастрофа надлежните изјавија дека тука ќе се изгради мост и потпорни ѕидови кои ќе делуваат превентивно при поројни дождови, со што би се спречиле ерозивните процеси. Но овие инфраструктурни објекти започнаа да се градат после три години. Екипата на Глас.мк беше на лице место. Градежни активности не се одвиваа, иако тука имашр градежна мрханизација.
Градоначалничката на Општина Тетово Теута Арифи лани потпиша договор за изградбс на мост со директорот на Бирото за регионален развој Рамиз Реџепи.
– Вкупната инвестиција за изгрдба на мостот чини околу 7,5 милиони денари при што Бирото учествува со 3,5 милиони денари додека остатокот од четири милиони е од буџетот на општината. Мостот ќе биде со должина од 16 метри и ширина од 6,8 метри и со неговата изградба ќе го решиме проблемот на ова критично место каде често при неповолни временски услови имаше одрони и наноси од кал, камења и песок што го блокираа нормалното одвивање на сообраќајот. Очекувам дека веднаш со потпишувањето на договорот со Бирото ќе отпочне администраитвна постапка со распишување на тендер и се друго така што се надевам дека оваа година ќе ја завршиме со овој реализиран прокет на терен, истакна Арифи по потпишувањето на договорот.
Пред околу еден месец Арифи изврши увид на лице место каде констатира дека градежните активности добро се одвиваат, и според неа мостот ќе биде готов до крајот на ова лето.
