Заврши пробниот попис што Државниот завод за статистика го спроведе во 13 општини. Постапката започна пред 20 дена, иако законот за попис на населението се уште не е изгласан во Собранието. Попишувачите кои работеле на терен, регистрирале неколку недостатоци во врска со јасноста на прашањата.
Од ВМРО-ДПМНЕ велат дека пописот треба да се спроведе согласно меѓународните стандарди.
Статистичките податоци велат дека населението во државава старее, односно во периодот 2008 – 2018 учеството на младото население од 0 до 14 години е намалено од 18.1 на 16.4%. Учеството на возрасно население над 65 години е зголемено од 11.5 на 14.1%. Според овие оценки на периодот 2008-2018 Државниот завод за статистика бројот на новороденчиња е намален за 7%, а скалата на наталитет за 0.9%. Податоците покажуваат дека е зголемена скалата на морталитет која во 2018 година бележи пораст од 9.5%. Во периодот од 2008 до 2018 забележан е пад на бројот на склучени бракови за 8.2% а зголемен бројот на разводи за 34%. Активностите на терен попис на населението се спроведоа во 13 општини низ државава. Главна цел на овој пилот попис е тестирање на организациските подготовки за новиот пристап со комбинирана методологија / извор тв 21/
