Владата на Република Северна Македонија својата редовна 171 седница ќе ја одржи во Куманово со повеќе точки на дневен ред од својата програма за работа и од интерес на граѓаните.
Во текот на целиот ден министрите ќе имаат повеќе активности на терен и средби со граѓаните.
Паркинг просторот кај поранешен „Кристал“ уште денеска е затворен од полицијата, каде се претпоставува дека ќе бидат паркирани владините автомобили.
Засега нема официјална агенда која е доставена за медиумите, но се очекува истата да пристигне до крајот на денешниот ден.
Станува збор за седници кои Владата ги одржува во повеќе градови еднаш месечно, а ова е трет град во кој претставници на централната власт ќе ги носат своите одлуки.
