Мекгрегор: Секоја будала која сака може да се бори со мене

На Мекгрегор му беа потребни само 40 секунди за да дојде до спектакуларна победа над Доналд Серон со што во својата кариера има скор од 22 победи и само четири порази. Истовремено со победата, Ирецот стана првиот борец воп историјата кој остварил победи во три тежински категории, перо лесна, лесна и велтер.

– Ми се допаѓа велтер категоријата, но истовремено сакам да ги менувам тежинските категории, да одам горе-доле. Навистина добро се чуствував и излегов од борбата недопрен. Се наоѓам во добра форма, но морам сè уште да работам за да се вратам на нивото на кое бев пред паузата – изјави Мекгрегор.

Иако престедателот на УФЦ, Дејна Вајт сака реванш кој на организацијата би и донел вистинско богатство, Мекгрегор-Нурмагомедов, Ирецот им фрли ракавица на сите заинтересирани.

– Секоја од овие будали кои ја гледаа борбата може да добијат „порција“ ќотек. Секој. Не ми е важно името, дури и оваа будала што седи тука – изјави Мекгрегор мислејќи на Пол Фелдер, УФЦ борец кој работи и како стручен коментатор, а во минатото често го критикуваше Ирецот.