Горивото кое го користат во печките не е токсично. За производството на цемент, како што велат, користат оризова арпа од земјава и смеса од преработен комунален отпад која ја увезуваат од Италија. Објаснуваат дека токму оваа смеса години наназад во голем број земји од ЕУ се користи како еколошко алтернативно гориво.
Лани фабриката увезла 4400 тони алтернативно гориво. Од секторот за животна средина при УСЈЕ велат дека постојано вршат контрола на пратките кои стигнуваат, а примероци праќаат и во акредитирани лаборатории во Холандија за да се осигураат дека ниту една токсична супстанца нема да се согори.
