Јавна расправа за прогласување на Собранието за пријател на списанието „Лице в лице“

Денеска Постојаната анкетна комисија за заштита на слободите и правата на граѓаните ќе одржи јавна расправа на тема: Прогласување на Собранието на Република Северна Македонија за пријател на списанието „Лице в лице“.

„Лице в лице“ е активистичко списание, кое излегува во Македонија од септември 2012 година и кое го промовира моделот на социјално претприемништво.

Продавачи на списанието кое ги поттикнува компаниите на општествена одговорност се претставници од најранливите слоеви во општеството, кои се обучуваат за продажба од страна на тимот на платформата „Лице в лице“. Преку темите што ги пласира списанието се грижи за подобра иднина на маргинализираните групи, како и за јавниот простор и животната средина.