„Рано е за избори“ – „воопшто не разговараме за избори, сè уште се бориме со вирусот“, вели Филипче

0
31

Воопшто не сме дискутирале ниту пак сме размислувале за одржување избори, бидејќи и натаму сме фокусирани на справување со вирусот Ковид 19, изјави министерот за здравство Венко Филипче. Тој вели дека во овој момент ситуацијата е се уште иста, се уште сме во вонредна состојба и затоа не може воопшто да се мисли за некакво организирање на изборите.

„Апсолутно сметам дека е премногу рано за било какво друго дополнително олабавување на мерките и согласно тоа било каква организација на настан како што се на пример изборите. Фокусирани сме на тоа како сега ќе се почитуваат мерките па фокусирани ќе бидеме овие следни ден до два како ќе биде организиран следниот викенд, значи апсолутно е се уште рано да предвидиме било што такво“, изјави Министерот за здравство, Венко Филипче.