Алијанса за Албанците изрази загриженост во однос на надворешната политика на државата. Генералниот секретар на партијата рече дека Советот на ЕУ донел 21 одлука за продолжување и проширување на санкциите против Русија, но Владата Заев 1 и Заев 2, исто толку пати одбила да воведе санкции против Русија.
-Земјите-кандидати, како што е Северна Македонија, имаат законска обврска да бидат во согласност со декларациите на ЕУ и да ги применуваат европските санкции кога тоа се бара од Брисел. Во март 2014 година, ЕУ воведе рестриктивни мерки против Русија, вклучувајќи и дипломатски мерки, замрзнување на средства и забрани за патување, како и економски санкции…-вели Таравари.
Таравари вели дека Алијанса за Албанците и Одделот за евро-интеграции ги анализирале сите декларации на високиот претставник на ЕУ за надворешна политика поврзани со почитувањето на санкциите, каде, како што вели, резултатите се загрижувачки за РСМ.
-ЕУ не е машина за перење на корумпирани политичари кои го поддржуваат Путин и руската агресија, додека бараат интеграција во ЕУ. Северна Македонија треба да се однесува како земја кандидат, а не како да е некоја поранешна советска република, бидејќи тоа го очекуваат нашите граѓани и тоа го наметнуваат и нашите законски обврски кон ЕУ-рече Таравари.
ТВ21 побара став од Владата, но до почетокот на ова информативно издание не добивме одговор.
