– Маж од Кочанско е олеснет за 4.000 денари при купување мобилен телефон, но наместо да добие апарат добил две заштитни маски за неговиот стар мобилен апарат. Портпаролот на СВР Штип, Гордана Панајотова во соопштение наведува дека 46-годишен маж од Кочанско вчера во 19 часот во Полициската станица во Кочани пријавал оти од страна на лице, кое се претставило како И.Т од Гевгелија, бил доведен во заблуда, доколку уплати 4.000 денари на сметка, за возврат по карго ќе му го испрати мобилниот телефон. Откако пријавителот во банка ја уплатил наведената сума, по карго му бил испратен пакет, но наместо телефон имало предемет со две маски од телефон. Се работи на расчистување на случајот, се вели во соопштението од СВР-Штип. Полицијата апелира граѓаните да не наседнуваат на вакви измами. Претходно жртви беа повозрасни луѓе, кои купуваа огревно дрво од страна на непознати продавачи. Парите им ги даваа на рака, но дрвата не им пристигнуваа во дворовите.
