Македонската полиција соопшти дека разбила тајвански криминален ланец преку кој тајвански работници биле донесени во земјата преку измама и биле принудени да измамат луѓе во нивната татковина преку телефони.
Властите одговорија откако добија информација од Тајван во ноември минатата година за криминалци кои дејствуваа во неколку земји, вклучително и С. Македонија.
Се вели дека осомничените биле следени од април.
За време на рациите спроведени на повеќе локации во близина на Скопје, на 7 мај, биле откриени 39 тајвански граѓани, идентификувани како жртви на присилна работа, соопшти полицијата.
Уште девет државјани на таа земја, сите во дваесетина години, биле уапсени по меѓународна потерница како осомничени организатори на злосторничкото здружување.
Портпаролот на МВР Тони Ангеловски за АП изјави дека организаторите пристигнале во земјата во ноември, а жртвите започнале да пристигнуваат сукцесивно до април.
Кога пристигнале во Северна Македонија, организаторите наводно ги заклучиле во куќа каде што би работеле и им ги одзеле пасошите и телефоните. Во тоа време, тие биле принудени да работат без плата, а биле и тепани ако не ги извршувале наредби, рече Ангеловски.
Организаторите, наводно, користеле брз интернет за да воспостават меѓународни центри за повици од каде што работниците биле принудени да ги повикуваат луѓето во Тајван за да ги измамат, тврдејќи дека им се изречени измислени парични казни.
Некои од нив се претставуваниа како вработени во банка, пошта или осигурителна компанија и првиот контакт би го оствариле по телефон. Повикот потоа би бил пренесен на друг работник, кој се претставил како полицаец и се обидел да извлече лични податоци од целната жртва барајќи доказ за плаќање на наводните казни.
Конечно, повикот се пренесувал на трет работник кој се претставувал како судија или обвинител чија задача била да ги убеди жртвите да префрлаат пари на одредени сметки со цел да се избегне гонење или да се намалат потенцијалните казни.
Јавното обвинителство објави дека сите деветмина осомничени и 39 жртви биле испратени во Тајван од Скопје во четвртокот.
Деветмина осомничени организатори се обвинети за трговија со луѓе и дрога, како и перење пари.
