Брнабиќ: Пандемијата ќе заврши кога сите ќе се вакцинираме

0
70

Благодарение на вакцинацијата, Србија избегна да има најтешка епидемиолошка состојба во регионот, но мерките не можат да бидат исти кога имате вакцина и кога немате, бидејќи тоа би значело дека не верувате во вакцинација, изјави српската премиерка Ана Брнабиќ во петокот.

Таа за Радио-телевизија Србија (РТС) рече дека сега има помалку луѓе во болниците низ целата земја, иако Србија има до 8.000 заразени дневно, отколку кога имало 5.000 до 6.000 новозаразени.

– Пандемијата ќе заврши на два начина – или кога сите ќе се заразиме или кога сите ќе се вакцинираме – посочи српската премиерка, нагласувајќи дека мора да се разговара за личната одговорност и граѓанската солидарност, како и од потребата за што помасовна вакцинација.

Таа процени дека евентуално построги мерки привремено ќе доведат до намалување на бројот на заразени, но дека по олеснувањето на мерките повторно ќе има зголемување на бројот на заразени и дополнителен притисок врз болниците.

Просечниот број на новозаразени во однос на бројот на тестирани во последните неколку денови во Србија е приближно 1-3.

Во петокот беа пријавени 6.584 пациенти на болничко лекување, а 279 на респиратори.

Стапката на смртност благо опаѓа, а со вчерашните бројки таа е 0,87.