Пожар голтна станбена зграда на Тајван, има десетици мртви (ВИДЕО)

0
69

Во пожар кој синоќа зафатил 13-катна зграда на југот на Тајван загинале најмалку 46 лица и 55 се повредени.

Зградата се запалила околу 3 часот наутро, соопшти пожарникарската служба во градот Каосијунг.

Во пожарот, кој во меѓувреме е изгасен, уништени се повеќе катови на зградата, а властите јавија дека 55 повредени лица се префрлени во болници.

Пожарникарите засега не се сигурни што го предизвикало пожарот, но забележале дека огнот најмногу горел таму каде што имало натрупано предмети, а сведоците за локалните медиуми изјавиле дека слушнале експлозија околу три наутро.

Зградата е стара околу 40 години, во долните делови има локали кои се делумно напуштени, додека над нив се становите, се наведува во официјалното соопштение.