Министерството за правда го повлече списокот за помилување

Од
Златко
-
0
33

Од Министерството за правда потврдија дека ќе има дополнителни консултации и повторни проверки на имињата кои до претседателот Пендаровски ќе бидат предложени за помилување. Министерот Маричиќ вели дека дел од имињата според него воопшто не требало да се најдат на списокот но одлуката кој од осудениците ќе се предложи за помилување зависи од затворите.

На списокот, од кој се огради и замник министерот за правда Агим Нуниу, се наоѓаа 48 лица, за кои затворските управи предложиле делумно или целосно помилување за издржување на казните. Меѓу нив беа и имињата на бизнисменот Сеад Кочан, Александар Василевски – Нинџа, сведок на обвинителството за случувањата на 27 април 2017 година, како и Бобан Илиќ, осуден за смртта на четиригодишниот Алмир во Куманово… Токму за послендиот имаше и најжестоки реакции меѓу партиите на Албанците..
Од Алијанса за Албанците во знак на револт истурија црвена боја пред влезот од зградата на Министерството за правда, а Алтернатива, која за овој случај побара и меѓународна ревизија, порачаа дека тој може да ги загрози и меѓуетнички односи.

 

-Ова спаѓа во случаите кои ја разнишале тешко меѓуетничката доверба, па помилувањето на казнетиот ќе ја продлабочи уште повеќе не само недовербата во институциите на правдата, туку и кон институцијата Претседател на државата, а ќе влијае и на меѓуетничките односи на нашата земја.

Инаку помилувањето е редовна постапка што се спроведува пред Нова Година. Списокот кој го доставуваат затворите треба да помине низ четири филтри пред да биде потпишан од претседателот Стево Пендаровски.

ПОВРЗАНИ артиклиПОВЕЌЕ ОД АВТОР