На терен, како што се наведува, се повеќе од 200 пожарникари. Причината за пожарот и уривањето на кранот сѐ уште не е јасна
Шест лица, од кои двајца пожарникари, се повредени откако градежен кран се запали, а потоа дел од него се урна на десеттата авенија на Менхетен во Њујорк, јавуваат американските медиуми.
Противпожарната служба на Њујорк интервенирала откако добила дојава дека избувнал пожар во кабината на кранот, по што горниот, хоризонтален крак од градежната машина се урнал, а дел од него удрил во друга зграда од спротивната страна на улицата, објавија локалните медиуми.
Градоначалникот на Њујорк, Ерик Адамс, изјавил дека инцидентот можел да биде „многу полош“.
На терен, како што се наведува, се повеќе од 200 пожарникари. Причината за пожарот и уривањето на кранот сѐ уште не е јасна.
Од видеоснимките објавени на социјалните мрежи може да се забележи како се крева густ џад од кабината на кранот.
