Поранешниот генерален секретар на владата Драги Рашковски е осуден на затворска казна од осум години за случајот Софтвери, а за виновни се прогласени и преостанатите шест обвинети чии затворски казни се движат од три до пет и пол години затвор.
По пресудата, обвинителството побара ефективен притвор за четворица осудени, но судот определи само куќен притвор за Драги Рашковски. Обвинителството побара притвор и за четвртоосомничениот Даниел Станчев со образложение дека тој не е оженет и може да се даде во бегство. Во тој момент, Станчев среде судница ја запроси Ирена Ивановска, која како осомничена во Софтвери доби три години и шест месеци затвор.
