Полициски службеници на СВР Тетово вчеравечер околу 22 часот ги лишиле од слобода 71-годишниот З.С. и 70-годишниот М.М. од тетовско Раотинце, кои претходно биле пријавени од 60-годишниот Љ.И. дека по меѓусебна расправија околу 15 часот и 30 минути физички го нападнале, извести СВР Тетово.
Во нападот, според пријавеното тие користеле дрвен предмет и огнено оружје. Двајцата се задржани во Полициската станица Тетово за натамошна постапка.
Дваесет и двегодишниот гостиварец Б.Б. вчеравечер во 23 часот и 55 минути во СВР Тетово пријавил дека близу два часа пред тоа на улица „ЈНА“ во Гостивар физички бил нападнат од две лица, а поради недоразбирања во сообраќајот, соопшти СВР Тетово.
Шеесет и петгодишниот Ќ.Х. од Тетово вчера во 19 часот и 30 минути во СВР Тетово пријавил дека околу 16 часот во близина на место викано „Бањиче“ физички бил нападнат од едно лице, кое го познавал, поради нивни нерасчистени односи. Се преземаат мерки за расчистување и документирање на случајот, додаваат од СВР Тетово.
Из maxfax.
