Над 2.600 луѓе загинаа во израелските напади врз Појасот Газа, соопшти денеска палестинското Министерство за здравство. Истиот извор наведува и дека 9.600 луѓе биле ранети во нападите со кои Израел одговори на упадите на Хамас на 7 октомври.
Повеќе од 1.000 луѓе се под урнатините во Газа, објави палестинската цивилна одбрана. Во соопштението, цивилната одбрана рече дека тимовите извлекле многу преживеани од урнатините во рок од 24 часа откако зградите беа погодени од израелски бомбардирања.
Германската агенција dpa јавува дека бројот на загинати на палестинска страна за само една недела веќе го надмина бројот на жртви од војната во Газа во 2014 година, кога во таа тесна енклава загинаа 2.250 луѓе за 50 дена војна.
На социјалните медиуми се појавуваат трогателни снимки. Една од нив е кога едно маченце се збогува со загинато дете во појасот Газа.
Конечно збогум. Со овие зборови ја опишавме сцената. Мачка се збогува со својот сопственик, детето, во сурова сцена која ја отелотворува болката. Дури и мачките страдаат со нас во Газа. Не издржав да го гледам. Солзите ми паднаа, се вели во видео објавата на Твитер.
“The Final Goodbye”
With these words we described the scene. A cat bids farewell to its owner, the child, in a cruel scene that embodies pain. Even cats suffer with us in Gaza. I could not stand watch it. My tears fell.#Gaza #TheRealImage pic.twitter.com/o4Y1fK5rTL— Majd saed☆ (@majjodaa1_) October 15, 2023
Така, новиот конфликт стана најсмртоносниот откако Хамас насилно ја презеде контролата врз Појасот Газа во 2007 година.
Хамас упадна на младински музички фестивал и го изврши најлошото крвопролевање во израелската историја. Досега, повеќе од 1.400 луѓе загинаа во Израел, вклучувајќи 286 војници.
Израелската војска денеска извести дека ги известила семејствата на 155-те заложници киднапирани од Хамас, за разлика од претходно пријавените 126.
„Вложуваме огромни напори да ги ослободиме заложниците“, рече на прес-конференција Даниел Хагари, воен портпарол. Контактирани се „семејствата на 155 заложници“, рече тој.
Според израелските информации, Хамас зел 155 заложници од Појасот Газа.
Израел ги повика жителите на северниот дел на Газа, околу 1,1 милион луѓе од вкупно 2,3 милиони во тој тесен појас, да се преселат на југ за да може да изврши операции за уништување на исламистичкото движење Хамас.
Околу еден милион луѓе се преселени од Појасот Газа за една недела, соопшти денеска агенцијата на ОН за палестински бегалци (УНРВА).
Поради лошите временски услови, израелската армија ја одложи офанзивата и денеска даде нова временска рамка за движење на цивилите на северот на Газа на југ од областа, која истече во 13 часот.
Обединетите нации ги критикуваа наредбите и предупредија на хуманитарна катастрофа, велејќи дека Израел има право на самоодбрана, но мора да го почитува меѓународното право.
Два дена по нападите на Хамас, Израел нареди да се прекине снабдувањето со вода, струја и гориво на тесната територија, но денеска го врати водоснабдувањето на југот на Газа, каде што треба да се преселат цивилите.
