Синоќа десетици илјади граѓани се собраа во Нови Пазар за да ја изразат својата поддршка за Палестина. Многумина со себе носеа палестински знамиња, како и слогани и транспаренти на кои пишуваше „Слободна Палестина“. Според проценките на организаторите и извори од полицијата, присуствувале околу 30.000 луѓе. Во Нови Пазар претежно живеат Бошњаци од муслиманска вероисповед.
Претседателката на здружението Ен-Ниса, која го организираше собирот, Азра Шемсовиќ, рече дека настанот бил организиран од потребата да му се покаже на светот дека иако храброста е да се застане на страната на доброто, на страната на вистината и на на страната на правдата, Нови Пазар е почестен што има храбри, вистинити и чувствителни луѓе. Шемсовиќ изјави дека толку голем број луѓе се собрале само за да ја поддржат Газа и сите Палестинци и гласно да кажат дека убиените деца и цивили никогаш нема да бидат заборавени.
