Паузата ќе трае од 10 до 14 часот по локално време (од 3 до 7 часот по средноевропско време) во недела, според портпаролот на ИДФ.
Во јужниот дел на градот Рафа е граничниот премин Рафа меѓу Газа и Египет – единствениот премин во и надвор од Газа што не е контролиран од Израел, што го прави единствена опција за странците кои се обидуваат да ја напуштат опколената енклава.
Во меѓувреме, израелската армија соопшти дека извршила воени операции во две населби во градот Газа за „идентификување и уништување на инфраструктурата и средствата на Хамас“.
„За време на операциите, војниците лоцираа приближно 35 тунели, како и голем број оружје и елиминираа терористи“, се вели во соопштението на ИДФ.
Војската, исто така, соопшти дека извршила рација во домовите на високи функционери на Хамас во Ал-Римал, некогаш елитна деловна област на градот и социјален епицентар.
„Вградени во областа Римал се резиденциите на високи функционери на Хамас, кои ја презедоа контролата врз зградите во областа за да спроведуваат и насочуваат терористички активности“, соопшти ИДФ, пренесе Си-Ен-Ен.
