Камионџија од Македонија предизвика голема сообраќајка во Хрватска.
Четириесетгодишен државјанин на Македонија предизвика сообраќајна несреќа во населбата Мирковци во Винковци, кога камионот кој го управувал влетал во семејна куќа, потврди денеска полицијата по истрагата. Во незгодата со полесни повреди се здобиле возачот на камионот и 14-годишно девојче кое било во куќата, во просторијата во која влегла целата кабина на камионот.
Лекарска помош им била укажана во болницата во Винковци. Очевидци кажале дека околу 6 часот и 20 минути утринава возачот на камион со полуприколка со словенечки регистрации, 40-годишен државјанин на Македонија, не се движел среде обележаната сообраќајна лента на улица Бранка Радичевиќ во Мирковци.
Возилото се движело лево, ја преминало левата сообраќајна лента и насипот, слетало на зелена површина и удрило во пумпната станица за отпадни води и ормар за електрична инсталација, потоа во оградата од семејниот дом на 86-годишната жена и во ѕидот на семејниот дом на 43-годишната жена.
Од силината на ударот камионот го пробил ѕидот од семејната куќа. Во тој момент во собата од куќата каде што се урнал ѕидот била малолетничката, соопшти полицијата по истрагата. Возачот на камионот и малолетничката со возилата на Заводот за јавно здравје на Вуковарско-сремската жупанија се пренесени во Општата Жупаниска болница, каде им се констатирани полесни физички повреди.
Со извршениот алкотест не е утврдено присуство на алкохол во телото на возачот на камионот. Поради прекршокот што ја предизвика сообраќајната незгода во која има повредени, на возачот му е доставена прекршочна наредба.
Из Фактор
