Бруталните егзекуции во средновековен стил се со несмалено темпо во Саудиска Арабија по наредба на престолонаследникот Мохамед бин Салман, при што активистите пријавуваат десетици обезглавувања и распнувања дневно и ги нарекуваат „немилосрдно убивање“.
Саудиските власти погубија стотици луѓе од почетокот на мандатот на принцот престолонаследник во 2015 година. Амнести интернешнел е немоќна да одговори на застрашувачкото непочитување на правото на живот и слобода од страна на Кралството.
И покрај ветувањето на Бин Салман дека ќе ја ограничи смртната казна, бројот е речиси двојно зголемен откако тој дојде на тронот, според невладината организација Reprieve, објавува Дејли Мејл.
Бројките говорат сами за себе бидејќи од 2010 до 2014 година имало во просек по 70,8 егзекуции годишно, но од 2015 до 2022 година егзекуциите достигнале 129,5 годишно – што е зголемување за 82%.
Минатата година, 172 лица беа осудени на смрт, и покрај новите ветувања на Бин Салман за намалување на смртната казна.
