Српскиот претседател Александар Вучиќ на Инстаграм објави видео од неговата прослава по победата на вчерашните локални избори. Мојот син Данило и моите браќа. Да живее Србија“, напиша Вучиќ. Локалните избори се одржаа во 89 градови и општини. Листите околу Српската напредна партија (СНС) победија во Белград, Ниш и Нови Сад.
На видеото кое го објави Вучиќ се гледа весела група како седи на маса со обилна залиха храна. Насобраните ја пеат песната „Јас сум момче од Косово“ од Милан Васиќ и Дејан Петровиќ.
Сите листи на СНС и нејзините коалициски партнери на локалните избори го носеа името на претседателот на Србија – „Александар Вучиќ – Србија утре“, што опозицијата го оцени како злоупотреба и судир на интереси, со оглед на тоа што Уставот го одредува шефот на државата како претседател на сите граѓани.
Локалните избори во Србија се повторија по оние во декември по обвинувањата за кражба на гласови и неможност да се конституира градско собрание, а дел од опозицијата ги бојкотираше вчерашните избори. Изборниот ден го одбележаа инциденти на избирачките места, од кол-центар на СНС, солзавец, судири до плаќање на граѓаните да гласаат за СНС и носење на гласање со автобуси.
