Австралија ќе стане првата земја во светот што ќе воведе целосна забрана за користење на YouTube од страна на деца, поради загриженост за изложеност на штетна содржина. Ваквата одлука доаѓа откако владата одлучи да ја укине досегашната изземеност на YouTube од регулативите за социјални мрежи.
Минатата година, Австралија објави дека подготвува закони што ќе им забранат на децата под 16 години пристап до социјални мрежи како што се Фејсбук, ТикТок и Инстаграм.
Меѓутоа, владата претходно навести дека видео платформата Јутјуб ќе биде ослободена од регулативата поради нејзината широка употреба во училишната настава.
Портпаролот на Јутјубја оцени најавата на австралиската влада во средата како изненадувачки пресврт. „Нашиот став останува јасен: YouTube е видео платформа со библиотека со бесплатна, висококвалитетна содржина што сè повеќе се гледа на телевизиските екрани. Тоа не е социјална мрежа”, истакна тој.
