Лидерот на Левица, Димитар Апасиев, најави тужби против Советот на АВМУ и побара од Уставниот суд со временска мерка да го стопира, како што вели, недемократското упатство за рекламирање што удира врз парламентаризмот и плурализмот.
Пратеникот и лидер на партијата Левица, Димитар Апасиев, обвини дека Владата заедно со АВМУ, преку спорно толкување на Изборниот законик и ново упатство за рекламирање, подготвува удар врз Левица со кој партијата ќе остане без околу 400.000 евра и без пристап до националните медиуми пред изборите.
