На социјалните мрежи се објавени снимки од снажниот земјотрес кој денеска го погоди југот на Мексико. Според последните информации, јачината на потресот била 7,4 степени според Рихтеровата скала. На видеата се гледа моќта на земјотресот, кој ги разнишал дрвјата и куќите, зградите и автомобилите во поголемиот дел од државата Чиапас.
Засега нема информации за евентуални жртви и повредени, а земјотресот, кој се случи на крајниот југ на Мексико, се почувствувал силно и во соседните држави Ел Салвадор и Гватемала. Издадено е предупредување за цунами.
