На Шар Планина денеска падна снег, иако е средина на летото. Снегот кој е забележан на повисоките предели над Попова Шапка, односно на врвот Церипашина е резултат на најавеното заладување што ја зафати Македонија.
Метеорологот Славчо Попоски сподели фотографии од снежната покривка.
Во меѓувреме, Управата за хидрометеоролошки работи издаде метеоаларм за невреме со пороен дожд, засилен ветер и грмежи во повеќе делови од земјата.
