Цената на нафтата повторно е во пораст, откако вчера доживеа мал пад по најавата на претседателот на САД, Доналд Трамп дека Америка имала „добри преговори со Иран“.
Цената од типот Брент повторно ја надмина границата од 100 долари за барел, откако доживеа остар пад во понеделникот за околу 96 долари. Во вторник наутро на азиските пазари, референтната цена се зголеми за 3,75 проценти на 103,69 долари.
Брент се намали за повеќе од 10% во понеделникот, откако американскиот претседател Доналд Трамп ги одложи новите напади врз Иран – потег протолкуван како избегнување на понатамошна ескалација на конфликтот – со порака дека мировниот договор може да биде на дофат.
Но, пазарите сега се мерат помеѓу тој оптимизам и острите негирања од Техеран, кој тврди дека не се воделе никакви разговори со САД.
