Аргентина се спаси од пораз на дуелот со Парагвај

0
83

Со голот на Лионел Меси од пенал постигнат во второто полувреме, репрезентацијата на Аргентина избегна пораз од Парагвај во 2. коло од Копа Америка.

Парагвајците поведоа во 37. минута преку Ричард Санчез, Меси реализира 20 минути подоцна.

Шанса за втор гол Парагвај пропушти во 62. минута кога Дерлис Гонзалес не реализира пенал.

На „гаучосите за пласман во следната фаза им е потребен триумф во последното (3. коло) против Катар, иако може да им е доволен и бод, во зависност од резултатите во другите групи.

Табела Б-група: Колумбија 6 бода, Парагвај 2, Катар 1, Аргентина 1.