Наставничката од Трново руинираната училница ја претвори во бајка

0
280

Училницата во старото руинирано училиште во битолското село Трново, одделенската наставничка Ленче Илиевска, ја претворила во шарена бајка, објави apla.mk.

Со години небојадисаните, испукани ѕидови, се покриени со постери и апликации кои се во функција на воспитно-образовниот процес, а старите прозорци се украсени со завеси во разни бои, така што училницата е пријатно катче за шестте ученици од Трново и Магарево кои овде следат настава од прво до петто одделение. Подрачното училиште во Трново е дел од битолското основно училиште „Трифун Пановски“, а кретивната наставничка Ленче оваа бајка ја создала со сопствени средства, но и со поддршка од родителите.

DSC 1173

-Кога дојдов пред 9 години, училиштетот го затекнав во катастрофална состојба. Сликата беше морбидна и повеќе личеше на затвор. Одлучив да го променам амбиентот, но со оглед на состојбите во образованието, морав да се снаоѓам со финансиии, па поголем дел од работите ги купував и се уште ги купувам сама, ги изработувам дома и ги носам во училницата. Но, имам поддршка и од родителите, вели Илиевска.

DSC 1174

Таа постојано ја преуредува училницата и вели тоа го прави во зависност од годишното време.

DSC 1175

-Ако сега ја посетите училницата, во неа се чувствува пролет, додека пак во зима имаме зимски, а во есен есенски амбиент. Но, вложениот труд навистаина се исплати, затоа што тоа влијае врз децата, имаме подобра работна атмосфера, а тие се среќни. Исто така, имам многу нагледни средства што ги користам за реалзиација на часот. Тоа многу помага, вели креативната наставничака.

DSC 1176

Кога пред 9 години, дошла во училиштето во Трново, затаекнала тоалет надвор од објектот и покрив кој прокиснувал.

DSC 1181

-Во училиштетот немаше ниту тоалет, ниту вода. Но, во организација со родителите, со донации од нив и од мене, успеавме да го направиме тоалетот внатре во обектот, а се разбира беше донесена и вода. тоа го направив уште првата година, односно во 2010 година кога дојдов во ова училиште. Заедно со родителите, променивме и дел од покривот кој прокиснуваше, а јас ги обезбедив ќерамидите. Сега одлучив повеќе да не учествуваме на Велигденскиот панаѓур, а парите кои родителите од Трново и Магарево ги даваат за таа намена, ќе ги пренамениме за да се бојадиса училиштето, затоа што тоа со години не е направено. Училницата е маскирана, тоа не се гледа, но, ѕидовите се во ужасна состојба, има и влага, а ѕидот може да падне. Тоа мора да се санира, вели Илиевска.

DSC 1182

Неодмана по нејзина иницијатива воспоставила соработка со најголемото училиште од Малме, Шведска, а претствници од таму, го посетиле училиштето во Трново, го следеле настваниот процес и сега наставничката Илиевска, очекува донација за да се замени стариот и дотраен училишен мебел, во училиштетот во битолското село Трново. /Целиот текст и фотографии се преземени од apla.mk/

DSC 1184

DSC 1177

DSC 1185

DSC 1186