Хрватска: Во морето забележана најдолгата европска змија како се обидува да се качи на брод

На социјалните мрежи во Хрватска се појави фотографија на змија што плива во морето кај Шибеник и се обидува да се искачи на брод помеѓу островите Какан и Боровњак, пишуваат хрватски медиуми.

Андреј Симчиќ, кој ги проучува змиите во Хрватска, врз основа на фотографиите, соопшти дека се работи за четирилентната кравосаса, најдолгата европска змија што расне до 2,5 метри, но оти не е отровна.

– Сите змии пливаат, па и оваа на фотографијата. Можно е да била на брегот на некое дрво над морето, па паднала во водата. А тоа што сака да се искачи на брод е природно – само сака да се врати на копно – смета Симчиќ.