Мицкоски: Предлагаме 120 изборни единици и победник во прв круг

0
121

Претседателот на ВМРО-ДПМНЕ, Христијан Мицкоски, на денешната прес-конференција предложи изборен модел со 120 изборни единици и со еден изборен круг. Така, во парламент би влегол тој што ќе освои најмногу гласови во првиот круг.

–Јас предлагам да прифатиме 120 изборни единици и да одиме на избори. Ако сакаат гласот да биде вреднуван и да имаме демократски избори предлагаме 120 изборни единици, оној кој во прв круг ќе освои најмногу гласови тој да биде претставник на граѓаните во парламентот. Би било мудро за Заев да го прифати барањето за предвремени парламентарни избори во март. Сега во октомври ќе се одлучува дали ќе добиеме датум за преговори, или нема да добиеме датум, или ќе добиеме само условно меѓурешение. Ајде потоа да формираме техничка влада и да ги подготвиме институциите. Само така ќе можеме да провериме дали блескаме, или блеска криминалот, истакна Мицкоски.