Вработените во Фондот за здравство бараат поголеми плати, или в четврток ќе протестираат

Претседателот на УПОЗ, Пеце Грујовски, за НоваТВ потврди дека утре во 9 часот е договорена средба со директорите на Фондот за здравство, Ден Дончев и Рамадани Орхан.

Доколку се најде решение нема да има протест, но доколку до утре до 12 часот не се договорат, в четврток ќе има протест така што шалтерите ќе бидат затворени.

– Две години бараме да се зголеми платата, една година бараме да се потпише колективниот договор, вработените се револтирани и ако до утре до 12 часот нема прифатливо решение и не се договориме да се зголемат платите, тогаш во четврток ќе има протест  – изјави Пеце Грујовски од УПОЗ.

Доколку и во наредните денови не се дојде до решение, ќе се размислува и за штрајк.