Организација „Стоп за извршителите“ на денешниот протест пред Министерството за правда побара да прекине блокирањето на сметките на граѓаните кои имаат застарен долг и да има ветинг за извршителите.
Од Организацијата велат дека блокирањето на сметките на граѓаните не е законски и уставно и е спротивно на Декларацијата за човекови права.
Организаторите посочија дека денеска биле примени на средба од заменик – министерот за правда Оливер Ристовски и им било кажано дека заедно со Министерството за финансии и Народната банка ќе направат луѓето да плаќаат помалку пари за одблокирање на сметките.
